Grande Amore é o alter ego de Nuno Pico. Un de vinte e tantos anos que canta descarado e de corazón a toda a súa xeración na súa lingua materna. A nivel sonoro, guitarras, sintetizadores e múltiples efectos vocais conviven nunha proposta rexeneradora na tradición do rock underground máis puramente galego.
O artista non oculta que bebe de fontes diversas como o pop, o rock e a electrónica industrial dos anos 80. Unha mestura entre o post-punk, o synth-punk e as influencias locais da súa terra.